«Napoli» A Seriya peshqadamligini saqlab qoldi

«Napoli» 8-turdan keyin A Seriya peshqadami bo‘lib qoldi.

Bugun Antonio Konte shogirdlari Xvicha Kvarasxeliyaning penaltidan kiritgan goli evaziga safarda «Empoli»ni mag‘lub etdi (0:1).

«Napoli» hamon A Seriyada 8 turdan keyin 19 ochko bilan peshqadamlik qilmoqda. 2-o‘rindagi «Yuventus» 3 ochko, «Inter» esa 5 ochko ortda qolmoqda.

25 avgustdan buyon neapolliklar 7 ta g‘alabaga erishib, bir marta «Yuventus» bilan durang o‘ynadi (0:0). To‘plar farqi - 20:2. Jamoa joriy chempionat mavsumidagi yagona mag‘lubiyatini 1-turda «Verona»dan (0:3) qabul qilib oldi.

26 oktyabr kuni «Napoli» o‘z maydonida «Lechche»ni qabul qiladi.