"Real" ketma-ket 8 o‘yindan buyon mag‘lub bo‘lmayapti

Madridning "Real" klubi mag‘lubiyatsiz seriyasini 8 ta o‘yinga yetkazdi.

Karlo Anchelotti shogirdlari Ispaniya Superkubogi yarim finalida "Malyorka"ni 3:0 hisobida mag‘lub etishdi. Yakshanba kuniga belgilangan hal qiluvchi o‘yinda u "Barselona" bilan to‘qnash keladi.

Madridliklar oxirgi marta 4 dekabr kuni "Atletik"ga (1:2) mag‘lub bo‘lgan. O‘shandan beri ular barcha turnirlarda 7 g‘alaba va durangga erishgan.