"Lill" klub rekordini o‘rnatishga yaqin

"Lill" barcha musobaqalardagi mag‘lubiyatsiz seriyasini 16 uchrashuvga (9 g‘alaba, 7 durang) yetkazdi.

Klub rekordi 1973 yilning oktyabridan 1974 yilning martgacha bo‘lgan muddatda o‘rnatilgan edi - ketma-ket 17 o‘yin mag‘lubiyatsiz o‘tkazildi.

Shanba kuni “Lill” safarda “Marsel” bilan durang o‘ynadi (1:1) va 15 o‘yindan so‘ng Liga 1da to‘rtinchi o‘rinni egallab turibdi.

Navbatdagi o‘yinda Bruno Jenezio shogirdlari 21 dekabr kuni Fransiya kubogi 1/32 finalida “Ruan” bilan to‘qnash kelishadi.