"PSJ" Fransiya chempionatida yaqqol karvonboshi bo‘lib turibdi

"PSJ" 15-turdan keyin Liga 1 turnir jadvalidagi peshqadamligini 7 ochkoga yetkazdi.

Bugungi o‘yinda Luis Enrike shogirdlari "Lion"ni 3:1 hisobida mag‘lub etishdi. Parijliklar joriy mavsum Liga 1da birorta ham o‘yinda mag‘lub bo‘lishmadi.

Fransiya chempionati turnir jadvalida 37 ochko bilan "PSJ" peshqadamlik qilmoqda. 2 va 3-o‘rinlarni band etgan "Marsel" va "Monako"da 30 ochko bor. "Lill" 27 ochko bilan to‘rtinchi o‘rinda.

Keyingi turda "PSJ" "Monako"ga qarshi bahs olib boradi. Uchrashuv 18 dekabr kuni bo‘lib o‘tadi.