Rasman: JCH-2030 6 da mamlakatda o‘tkaziladi!
Xalqaro futbol federasiyasi 2030 yilgi jahon chempionatiga mezbonlik qiladigan davlatlar ro‘yxatini e’lon qildi.
2030 yilda sayyoramizning asosiy futbol turniri tarixda birinchi marta oltita davlatda o‘tkaziladi: Ispaniya, Portugaliya, Marokash, Urugvay, Paragvay va Argentina.
Aytilishicha, Ispaniya, Portugaliya va Marokash o‘yinlarning aksariyatiga mezbonlik qiladi, faqat uchta o‘yin Janubiy Amerikada bo‘lib o‘tadi. Urugvay, Paragvay va Argentina terma jamoalari 2030 yilgi jahon chempionatining ochilish o‘yinlarini o‘z vatanlarida o‘tkazadi.
Eslatib o‘tamiz, navbatdagi jahon chempionati 2026 yilning yozida bo‘lib o‘tadi. Ushbu turnirga uchta davlat - AQSH, Kanada va Meksika mezbonlik qiladi.
