Frans Bekkenbauer nomi Germaniyada abadiylashtirildi!
Germaniya Superkubogi Frans Bekkenbauer nomi bilan ataladi.
Bu haqda «Bild» xabar bermoqda. Asosiy kelishuvga allaqachon erishilgan, qolgan rasmiyatchiliklar yaqin vaqt ichida hal qilinadi.
Myunxenning «Bavariya» klubi va Germaniya terma jamoasining sobiq futbolchisi, jahon va Yevropa chempioni, ikki karra «Oltin to‘p» sohibi Frans Bekkenbauer 2024 yil 7 yanvar kuni og‘ir xastalikdan so‘ng 78 yoshida vafot etdi.
Oldinroq «Bavariya» Bekkenbauerning 5-raqamini muomaladan chiqargandi.
