Grem Potter London klubi boshqaruvini o‘z qo‘liga olishi mumkin

Grem Potter «Chelsi»dagi muvaffaqiyatsiz o‘yinlaridan so‘ng bir yarim yildan ko‘proq vaqt davomida murabbiylik qilmayapti. Yaqin kelajakda 49 yoshli mutaxassis yangi klubda ish boshlashi mumkin. «The Times» xabariga ko‘ra, Potterga «Vest Xem» qiziqish bildirmoqda. London klubi qoniqarsiz natijalar tufayli Xulen Lopetegi bilan tez orada xayrlashishi mumkin.

Hozirda «Vest Xem» Angliya chempionati turnir jadvalida o‘n to‘rtinchi o‘rinda bormoqda. Jamoa navbatdagi o‘yinni 9 dekabr, dushanba kuni «Vulverxempton»ga qarshi o‘tkazadi.

Mish-mishlar avvalroq «Vest Xem»ni boshqa murabbiylar, xususan Serjiu Konseysau va Kasper Yulmann bilan bog‘lagan.