Gattuzo 22 yilda ilk bor soqolini oldirdi

"Reynjers", "Milan" va "Syon" sobiq futbolchisi, hozirda Xorvatiyaning "Xayduk" klubi bosh murabbiyi Jennaro Gattuzo 22 yil ichida ilk bor soqolini oldirdi.

Italiyalik mutaxassis buni "Soqol auksioni" deb nomlangan tadbirda ishtirok etib, xayriya maqsadida qilgan - mashhurlar erkaklar salomatligi bilan shug‘ullanadigan tashkilotlarga xayriya evaziga soqol va mo‘ylovlarini olib tashlashga va’da berishgan.

Gattuzo 2013 yildan beri murabbiylik qilib keladi. 12 yildan kamroq vaqt ichida "Palermo", "Piza", "Milan", "Napoli", "Valensiya" va "Marsel"da ishlashga muvaffaq bo‘ldi. Jennaro 2024 yilda “Xayduk”ni qabul qilib oldi. Gattuzo murabbiy sifatida 2019/2020 yilgi mavsumda “Napoli” bilan Italiya kubogini yutgan.