«Real Madrid» va «Barselona» joriy Chempionlar ligasining olti turida birorta durang o‘ynamadi

Chempionlar ligasi umumiy bosqichning olti turini yakunladi. «Barselona» va «Real» turnir jadvalining turli qutblarida joylashgan, biroq ularni duranglar soni bo‘yicha ustunda nol birlashtirgan.

«Barselona» so‘nggi olti o‘yinda beshta g‘alaba va bir mag‘lubiyat qayd etdi. Hozirda 15 ochko bilan Xans-Diter Flik jamoasi ikkinchi o‘rinda. «Blaugrana» hali «Benfika» va «Atalanta»ga qarshi o‘ynashi kerak.

«Real Madrid» olti turda uchta g‘alabaga erishdi va shuncha mag‘lubiyat alamini totib ko‘rdi. 9 ochko bilan Karlo Anchelotti shogirdlari 20-o‘rinda bormoqda. «Los-Blankos»ning qolgan turlardagi raqiblari «Red Bull Zalsburg» va «Brest» bo‘ladi.