«Barsa» La Ligada ketma-ket uchinchi o‘yin ochko yo‘qotdi - ikki mag‘lubiyat, bir durang

«Barselona» La Ligada qatorasiga uchta o‘yinda g‘alaba qozona olmayapti.

Murabbiy Xansi Flik shogirdlari La Liganing 15-turida o‘z maydonida «Las-Palmas»ga imkoniyatni boy berib qo‘ydi (1:2).

Kataloniya klubi chempionatdagi so‘nggi uchta o‘yinning ikkitasida mag‘lub bo‘ldi. «Barselona» avvalroq «Real Sosyedad»ga yutqazgan (0:1), «Selta» bilan durang o‘ynagan (2:2).

«Barselona» 15 turdan keyin 34 ochko jamg‘argan va La Liga turnir jadvalida peshqadamlik qilmoqda.

Kataloniyaliklar mavsumni 3 dekabr kuni Ispaniya chempionatida «Malyorka»ga qarshi o‘yin bilan davom ettiradilar.