"Liverpul"ning mag‘lubiyatsiz seriyasi yana 1 o‘yinga uzaydi

"Liverpul" mag‘lubiyatsiz seriyasini 10 ta o‘yinga yetkazdi.

Bugun Arne Slot shogirdlari Angliya liga kubogida "Brayton"ni mag‘lub etishdi (3:2).

Yakshanba kuni mersisaydliklar APLning 9-turida "Arsenal" bilan durang o‘ynagandi (2:2). Bungacha klub Premyer-liga va Chempionlar ligasi o‘yinlarida 8 marta g‘alaba qozongan.

"Qizillar" navbatdagi o‘yinda yana "Brayton"ga qarshi maydonga tushadi. Jamoalar shanba kuni Premyer-liga 10-turi doirasida o‘zaro bahs olib borishadi.