Slot 35 yil oldin Dalglish o‘rnatgan rekordni takrorladi
"Liverpul" o‘z maydonida "Lester"ni 3:1 hisobida mag‘lub etib, mag‘lubiyatsiz seriyasini uzaytirdi.
Mersisaydliklar Premyer-liganing 18-turida Kodi Gakpo, Kyortis Jons va Muhammad Salohning gollari evaziga irodali g‘alabani qo‘lga kiritishdi. Arne Slot shogirdlari barcha turnirlarda ketma-ket 22 uchrashuvdan beri mag‘lubiyatga uchramadi. TheEuropeanLad xabariga ko‘ra, bu "Liverpul"ning 1989 yildan beri, ya’ni jamoani afsonaviy Kenni Dalglish boshqarganidan beri eng uzoq davom etgan mag‘lubiyatsiz seriyasidir.
Arne Slot joriy mavsum oldidan "qizillar" bosh murabbiyi lavozimini egalladi. Niderlandiyalik mutaxassis avval "Feyenoord"da ishlagan.
