"Manchester Siti" 2006/07 yilgi mavsumdan beri birinchi marta APLda ketma-ket to‘rtta o‘yinda mag‘lub bo‘ldi

"Liverpul" o‘z maydonida g‘alaba qozonib (2:0) "Manchester Siti"dagi mag‘lubiyatlar seriyasini uzaytirdi.

Uchrashuvning 12 va 78-daqiqalaridagi Kodi Gakpo va Muhammad Salohning (penaltidan) aniq zarbalari evaziga "qizillar" ustunlikka erishdi. "Shaharliklar" uchun bu mag‘lubiyat Angliya Premyer-ligasidagi qatorasiga to‘rtinchi mag‘lubiyat bo‘ldi - bu 2006/07 yilgi mavsumdan beri birinchi marta sodir bo‘ldi, o‘shanda jamoa mavsumni xavfli zonadan to‘rt ochko oldinda holda 14-o‘rinni egallagan.

"Liverpul" 14 turdan keyin 34 ochko bilan joriy turnir jadvalida peshqadamlik qilmoqda. "Manchester Siti" 23 ochko bilan beshinchi o‘rinda bormoqda.