Anchelotti Bellingemning jarohati haqidagi savolga javob berdi
Madridning "Real" klubi bosh murabbiyi Karlo Anchelotti yarim himoyachi Jud Bellingemning majburiy almashtirilishi haqida fikr bildirdi.
"Bellingemning holati? Uning bo‘ynida muammo bor. U bir necha kundan keyin normal holatga qaytadi", - dedi Anchelotti o‘yindan keyingi matbuot anjumanida.
Jud Bellingem 30-daqiqada "Xetafe" darvozasiga penaltini aniq amalga oshirib, gol urdi. Mehmonlar darvozasiga kiritilgan ikkinchi gol muallifi Kilian Mbappe bo‘ldi.
