Gvardiola antirekord o‘rnatdi

"Manchester Siti" inqirozda. Yakshanba kuni Pep Gvardiola shogirdlari mehmonda "Liverpul"ga 0:2 hisobida imkoniyatni boy berishdi. Natijada "shaharliklar"ning g‘alabasiz seriyasi yettita o‘yinga yetdi. Ushbu seriya davomida mankunianliklar bir marta durang o‘ynab, oltita mag‘lubiyat alamini totib ko‘rishdi.

Squawka qayd etganidek, bu Gvardiola uchun antirekord. Murabbiylik faoliyatining oldingi qismida Pep hech qachon g‘alabasiz bunchalik uzoq o‘yin o‘tkazmagandi.

"Manchester Siti" 4 dekabr, chorshanba kuni mag‘lubiyatli seriyasini buzishga harakat qiladi. Shu kuni "Nottingem Forest" "shaharliklar" mehmoni bo‘ladi. Darvoqe, "O‘rmonchilar" Premyer-ligada "shaharliklar"dan atigi bir ochko ortda qolmoqda.