"Manchester Siti" 20 yildan ortiq vaqt davomida bunday yomon seriyaga ega emas edi

Yakshanba kuni "Manchester Siti" safarda "Liverpul"ga 0:2 hisobida imkoniyatni boy berdi. Natijada "shaharliklar"ning barcha musobaqalardagi g‘alabasiz seriyasi yetti o‘yinga yetdi (bitta durang va oltita mag‘lubiyat).

City Xtra xabariga ko‘ra, "Manchester Siti" oxirgi marta 7 o‘yindan iborat g‘alabasiz seriyani 20 yildan ko‘proq oldin - 2004 yilning aprelida qayd eigan. O‘shanda "shaharliklar"ning bosh murabbiyi Kevin Kigan bo‘lgan, BAAning boy xo‘jayinlari esa klubni hali sotib olmagan edi.

Endi "Manchester Siti" "Nottingem Forest"ga qarshi Angliya chempionatining uy uchrashuviga tayyorgarlik ko‘radi. O‘yin 4 dekabr, chorshanba kuni bo‘lib o‘tadi.