Anchelotti: "Men yaxshiman"
"Real Madrid" bosh murabbiyi Karlo Anchelotti seshanba kuni bo‘lib o‘tgan matbuot anjumanida jamoaning kayfiyati haqidagi savolga javob berdi.
"Men yaxshiman. Biz qancha qiyinchiliklarga duch kelgan bo‘lsak ham, kurashamiz va raqobatlashamiz. Dekabrda hamma narsani yutish mumkin, deb hech kim o‘ylamaydi, lekin biz kurashishimiz kerak. Muammolarga qaramay, biz har doimgidek kurashyapmiz. Vinisius, Kamavinga va Alaba qaytib kelgach, biz yanada qattiqroq kurashamiz", dedi Anchelotti jurnalistlarga.
4 dekabr, chorshanba kuni Madridning “Real” klubi Ispaniya chempionati doirasida safarda Bilbaoning “Atletik” jamoasiga qarshi bahs olib boradi.
