"Liverpul" bu borada APL rekordini o‘rnatdi

"Liverpul" chempionatda eng ko‘p g‘alaba keltiruvchi gollarni ikkinchi bo‘limga qo‘shib berilgan vaqtda urgan jamoa bo‘ldi.

Opta portalining xabar berishicha, Angliya Premyer-ligasidagi o‘yinlarining butun tarixida "mersisaydliklar" ikkinchi bo‘limda qo‘shib berilgan vaqtda 44 ta gol urib, g‘alabaga erishgan.

Bu ligadagi eng yaxshi ko‘rsatkich.

"Arsenal" 90 daqiqadan so‘ng urilgan 33 ta gol bilan ikkinchi o‘rinda. Ushbu reytingda kuchli uchlikni 32 ta gol bilan “Tottenxem” yakunlab turibdi.

“Liverpul” hozirda APL turnir jadvalida 10 turdan keyin peshqadamlik qilmoqda. "Mersisaydliklar" hisobida 25 ochko bor va ikkinchi o‘rindagi "Manchester Siti"dan 2 ochko oldinda.