Neymar "Korintians" haqidagi mish-mishlarga munosabat bildirdi
"Al-Hilol" hujumchisi Neymar Braziliyaning "Korintians" klubiga o‘tishi haqida fikr bildirdi.
"Korintians"ni hurmat qilaman, lekin “Santos”ni yana-da ko‘proq hurmat qilaman. Bu mening sevimli jamoam, shuning uchun ham "Korintians"ga o‘tish haqida gap bo‘lishi mumkin emas", - deydi Neymar.
Joriy mavsumda Neymar “Al-Hilol”ning bor-yo‘g‘i ikkita o‘yinida qatnashdi. Tomonlar o‘rtasidagi amaldagi shartnoma 2024/2025 yilgi mavsum oxirida yakuniga yetadi.
