"Manchester Siti" "Manchester Yunayted" transfer maqsadini qo‘lga kiritmoqchi
"Everton"ning markaziy himoyachisi Jerred Brentueytga "Manchester Siti" qiziqish bildirmoqda.
"Shaharliklar" 2025 yilda o‘z tarkibini jiddiy ravishda kuchaytirishni rejalashtirmoqda va muammoli hududlardan biri mudofaa markazi hisoblanadi. Telegraph xabariga ko‘ra, 22 yoshli Brentueyt Angliyaning amaldagi chempioni radariga tushib qolgan, "Manchester Yunayted" unga asosiy da’vogar sifatida ko‘rilmoqda. "Qizil iblislar" mavsum boshlanishidan avval "irislar"ning yosh yulduzi bilan shartnoma imzolashga harakat qilishgan. Angliyalik futbolchiga "Real" va "Yuventus" klublari ham qiziqish bildirayotgan edi.
"Manchester Siti"ning yana bir ehtimoliy maqsadi "Kristal Pelas" futbolchisi Mark Gexi bo‘lib, uning "burgutlar" bilan amaldagi shartnomasi 18 oydan keyin tugaydi.
