"Manchester Yunayted" kimlar bilan shartnoma imzolamoqchi ekanligi ma’lum bo‘ldi

"Manchester Yunayted" futbol klubi qishki transferlar vaqtida bir vaqtning o‘zida besh nafar futbolchi bilan shartnoma imzolashni rejalashtirmoqda, deb xabar bermoqda Mirror nashri.

Klubning asosiy maqsadlari - "Everton" himoyachisi Jarrod Brentueyt, "Sporting" hujumchisi Viktor Dyokeresh va yarim himoyachi Jovani Kenda hisoblanadi. Shuningdek, "Bavariya" himoyachisi Alfonso Devis va yarim himoyachi Leroy Sane ham "qizil iblislar"ning asosiy maqsadlaridan hisoblanadi.

OAV xabariga ko‘ra, "qizil iblislar"ning yangi bosh murabbiyi Ruben Amorim o‘zining sobiq jamoasi "Sporting Lissabon"dan (Dyokeresh va Kendani) ikki nafar futbolchini yangi jamoaga o‘zi bilan olib kelmoqchi.