"Aston Villa" "Betis" futbolchisini sotib olmoqchi

Jovanni Lo Chelso "Betis"ning asosiy o‘yinchilaridan biri. Argentinalik futbolchining tajribasi “Betis”ga chempionatda ham, Konferensiyalar ligasida ham katta foyda keltirmoqda, ammo uning xizmatlariga qiziqayotgan klublar ham bor.

"Aston Villa" 28 yoshli futbolchini Unai Emeri shaxsiy iltimosiga ko‘ra sotib olmoqchi. “Vilyarreal”da ishlagan vaqtida unga ustozlik qilgan ispaniyalik murabbiy ingliz klubi yarim himoyasini kuchaytirishda argentinalikning tajribasiga tayamoqchi.

"Betis" yozdayoq "Aston Villa" taklifini rad etgan bo‘lsa-da, Monchi va Emeri umidlarini uzgani yo‘q. Bu borada qishki transfer oynasi hal qiluvchi bo‘lishi mumkin.

Jovanni Lo Chelso joriy mavsumda 13 ta o‘yinda maydonga tushib, 8 ta gol va bitta golli uzatmaga mualliflik qilgan.