Karvaxal Mbappening jarohati haqida fikr bildirdi

"Real"ning o‘ng qanot himoyachisi Dani Karvaxal jamoadoshi Kilian Mbappening jarohati borasida o‘z fikri bilan o‘rtoqlashdi.

Fransiyalik hujumchi seshanba kuni bo‘lib o‘tgan Chempionlar ligasi doirasida "Atalanta"ga (3:2) qarshi o‘yinning birinchi bo‘limida almashtirilgan edi. Yulduz futbolchining jarohati qanchalik jiddiy ekanligi ma’lum emas.

"Mbappening jarohati jiddiy ko‘rinmaydi", - deydi xoch bog‘lami yirtilgani sababli mavsumning qolgan qismini o‘tkazib yuboradigan Karvaxal. "U yaxshi mashg‘ulot o‘tkazmoqda va tanqidlarga qaramay, ko‘plab gollar urishda davom etmoqda", - deya qo‘shimcha qildi u.