"Chelsi" futbolchisini transferga qo‘yadi

Kirnan Dyusberi-Xoll yozda "Lester"dan 30 million funt sterling evaziga "Chelsi"ga o‘tgandi. Yarim himoyachi "Stemford Brij"da o‘yin amaliyotining kamligidan xafsalasi pir bo‘ldi va olti oydan keyin boshqa klubga o‘tishga tayyor.

Football Insider xabariga ko‘ra, "Chelsi" 26 yoshli futbolchini yanvar oyidayoq transferga qo‘yadi. Londonliklar yarim himoyachini doimiy qo‘yib yuborishni istasa, yozda uning uchun to‘lagan kamida 30 million funtni talab qiladi.

"Reynjers" va "Aston Villa" futbolchini sotib olishga qiziqish bildirishgan, ammo shotlandiyaliklar futbolchini yanvar oyida "Stemford Brij"dan olib ketish uchun moliyaviy mablag‘ga ega emaslar.

Joriy mavsumda Kirnan Dyusberi-Xoll 13 ta o‘yinda maydonga tushib, bitta gol urgan.