Mark Kukurelya: "Chelsi" hozirda top jamoa emas"

Ispaniya terma jamoasi va "Chelsi" himoyachisi Mark Kukurelya londonliklarning mavsumdagi maqsadlari haqida o‘z fikrlari bilan o‘rtoqlashdi.

"Biz "Lester"ni mag‘lub etsak, raqibimizga bosim o‘tkazishimiz mumkinligini bilardik va buni uddaladik. Kuchli to‘rtlikka kirish uchun kurashishga tayyor ekanimizni ko‘rsatdik. Menimcha, bu mavsumdagi maqsad shu, ammo bu liga qiyin ekanligini bilamiz. Biz qiyin yilni boshdan kechirdik va endi bu jarayonga ishonishimiz kerak.

Chempionlik uchun kelganmiz, lekin menimcha, biz hozirda yetakchi jamoalardan biroz uzoqdamiz. Ular uzoq vaqtdan beri bitta murabbiy va bir xil g‘oyalar bilan birga ishlashadi. Biz bu mavsumni bir necha oy oldin boshladik.

Albatta, hamma bilan raqobatlashishni xohlaymiz, lekin bu qiyin, siz hamma narsani bir kechada o‘zgartira olmaysiz. Ammo biz yaxshi yo‘ldamiz, biz o‘zimiz bilan faxrlanishimiz va oldinga intilishda davom etishimiz kerak", - deydi Kukurelya.