NBA yulduzi Mbappening "Real"dagi muammolari haqida gapirdi

"Dallas Maveriks" jamoasi basketbolchisi Luka Donchich "Real Madrid"ning joriy mavsumdagi natijalari haqida gapirdi. Donchichning fikricha, yulduz hujumchi Kilian Mbappe Madrid jamoasiga moslashishi uchun vaqt kerak.

"Ochig‘i, "Real" uchun mavsum yaxshiroq o‘tishi mumkin edi. Lekin bilasizmi, Mbappedek yigitga ko‘nikish uchun biroz vaqt kerak bo‘ladi. Ular buni hal qilishadi", - dedi Donchich.

"Real Madrid" ayni damda Ispaniya chempionati turnir jadvalida ikkinchi o‘rinda bormoqda. Karlo Anchelotti shogirdlari bitta o‘yin kam o‘tkazgan holda "Barselona"dan 6 ochko ortda qolmoqda.