"Inter" 35 million yevro evaziga yangi himoyachi topdi

"Atalanta"ning markaziy himoyachisi Isak Xin "Inter"ning qiziqish doirasiga kirdi.

"Neradzurrilar" rahbariyati 2025 yilda mudofaa chizig‘ini yoshartirishni rejalashtirmoqda. Corriere dello Sport ma’lumotlariga ko‘ra, amaldagi Italiya chempionlari Xinni o‘z short-listiga kiritdilar. 25 yoshli futbolchining qobiliyatlarini "Inter" bosh murabbiyi Simone Indzagi yuqori baholaydi. Potensial bitim qiymati 35 million yevroga baholanmoqda.

Isak Xin joriy mavsumda "Atalanta" safida 13 ta o‘yin o‘tkazdi. Shved shu yilning yanvar oyida "Verona"dan 8,5 million yevro evaziga Bergamo klubi safini to‘ldirdi. Futbolchining amaldagi mehnat shartnomasi 2028 yilgacha mo‘ljallangan.