"Barselona" yarim himoyachisiga "Liverpul" va "Manchester Yunayted" qiziqish bildirmoqda

"Liverpul" va "Manchester Yunayted" "Barselona"ning 21 yoshli yarim himoyachisi Mark Kasadoga qiziqish bildirmoqda.

Manbaga ko‘ra, ushbu klublarning skautlari Kasadoning maydonni ko‘ra olishini va yarim himoya chizig‘ida o‘yinni nazorat qila olishini qayd etishmoqda.

Joriy mavsumda 21 yoshli yarim himoyachi barcha musobaqalarda 13ta o‘yinda ishtirok etib, beshta golli uzatmani amalga oshirdi.

Futbolchining klub bilan amaldagi mehnat shartnomasi 2028 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 15 million yevroni tashkil qiladi.