"Manchester Siti" Rodri o‘rniga ikkita nomzodni ko‘rib chiqyapti
"Manchester Siti" yaqin oylarda Rodriga umid bog‘lay olmaydi. Yaqinda "Oltin to‘p"ni qo‘lga kiritgan yarim himoyachi mavsum yakuniga qadar tizzasidan olgan jiddiy jarohatidan forig‘ bo‘lishga ulgurmaydi.
Rodrini yo‘qotgan "Manchester Siti" ikki yarim himoyachi "Real Sosyedad" futbolchisi Martin Subimendi va "Torino" futbolchisi Samuele Richchini kuzatmoqda.
Nufuzli Transfermarkt portali mutaxassislari 25 yoshli Subimendini 60 million yevroga, 23 yoshli Richchini esa 28 million yevroga baholamoqda. "Manchester Siti" hozirda APL turnir jadvalida ikkinchi o‘rinda bormoqda.
