"Manchester Siti" "Real" yulduzi uchun katta summa taklif qilishga tayyor

"Manchester Siti" "Real"ning urugvaylik yarim himoyachisi Federiko Valverdening transferiga qiziqish bildirmoqda. Bu haqda CaughtOffside xabar bermoqda.

Angliyaning amaldagi chempioni jarohat olgan Rodrini almashtirmoqchi va qishki transfer oynasida Madrid klubi yetakchisi uchun taxminan 70 million yevro to‘lashga tayyor. Qayd etilishicha, ispan grandi futbolchini qo‘yib yuborish niyatida emas. Urugvaylik va "Los-Blankos" o‘rtasidagi mehnat shartnomasida 1 milliard yevroga sotib olish opsiyasi bo‘yicha band bor.

Federiko Valverde "Real" safida 275 ta o‘yin o‘tkazgan. Ularda u 24 ta gol urdi va 25 ta golli uzatmani amalga oshirdi. Transfermarkt yarim himoyachini 130 million yevroga baholamoqda.