"Real" o‘z yulduzi uchun takliflarga ochiq

Madridning "Real" klubi tayanch yarim himoyachisi Orelyen Tchuamenining so‘nggi vaqtlarda ko‘rsatayotgan o‘yinidan norozi.

Transfer News Live xabariga ko‘ra, madridliklar allaqachon 24 yoshli futbolchi uchun keladigan takliflarni ko‘rib chiqishga tayyor ekanligini ma’lum qilgan.

Tchuameni 2022 yilning yozida "Monako"dan 80 million yevro evaziga "Real"ga o‘tgandi. U joriy mavsumda jami 14 ta o‘yinda maydonga tushdi.