Gvardioladan De Bryuynening ahvoli haqida so‘rashdi
"Manchester Siti" bosh murabbiyi Pep Gvardiola jarohat olgan yarim himoyachi Kevin De Bryuynening tiklanish jarayoni haqida gapirdi.
"Uning qachon qaytishini ayta olmayman, chunki o‘zim bilmayman. Kevin mashg‘ulotlarni yaxshi o‘tkazmoqda, ammo to‘pga zarba berish unga baribir og‘riq keltiradi. Uning ahvoli yaxshilanmoqda, ammo hali optimal emas", - deya xabar bermoqda ispaniyalik mutaxassis.
De Bryuyne Chempionlar ligasi doirasidagi "Inter"ga qarshi o‘yinda jarohat oldi. Uchrashuv 18 sentyabr kuni bo‘lib o‘tdi. Ushbu o‘yindan keyin belgiyalik futbolchi maydonga tushmadi.
