Messi: "Bizda hech qanday cheklovlar yo‘q"

Lionel Messi "Inter Mayami"ning sovrinlarni yutish istagi borligini ma’lum qildi.

"Umid qilamanki, biz MLS kubogini yutib, yana bir sovrinni qo‘lga kiritamiz. Nafaqat shaxsan o‘zim, balki buni amalga oshirish uchun ko‘p ishlarni qilgan klub uchun ham.

Bu "Inter"ning o‘sishi uchun juda muhim, ayniqsa ular chempionlik darajasidagi tarkibni tuzmoqda. Buni hammamiz boshidanoq bilardik.

Kubokni qo‘lga kiritish va klubimiz atrofidagi ishtiyoqni saqlab qolish juda yaxshi bo‘lardi. Biz “Inter”ning rivojlanishiga yordam berishda davom etmoqchimiz.

Biz uni MLSda eng zo‘r va iloji bo‘lsa, dunyoning eng yaxshilaridan biriga aylantirmoqchimiz.

Bizda hech qanday cheklovlar yo‘q", - dedi “Inter Mayami” hujumchisi.