Di Mariya Messining jamoadoshiga aylanishi mumkin
Argentinalik vinger, hozirda Lissabonning "Benfika" klubida to‘p tepayotgan Anxel di Mariya MLSga o‘tishi mumkin. Bu haqda Goal.com xabar bermoqda.
Jurnalistlarning yozishicha, hujumkor yarim himoyachining transferiga "Inter Mayami" qiziqmoqda. Bu klub sharafini argentinalik yulduz hujumchi Lionel Messi himoya qiladi.
Di Mariyaning Portugaliya top-klubi bilan tuzilgan mehnat shartnomasi kelasi yilning o‘rtalarigacha amal qiladi.
