Neymar yana sobiq jamoadoshlari bilan birlashishi mumkin

Yevropada "Barselona" va "PSJ"dagi o‘yinlari bilan tanilgan braziliyalik hujumchi Neymar faoliyatini AQSHda davom ettirishi mumkin.

O Dia nashri xabariga ko‘ra, hujumchi bilan "Inter Mayami" qiziqmoqda. Bu jamoada u "Barselona"dagi sobiq jamoadoshlari bilan yana birlashishi mumkin.

Florida jamoasining sharafini Lionel Messi, Luis Suares, Serxio Buskets va Jordi Alba himoya qiladi.

"Inter Mayami" Neymarni kelasi yozda, futbolchining Saudiya Arabistonining «Al-Hilol» klubi bilan shartnomasi tugashi bilan sotib olishi mumkin.

Qayd etilishicha, braziliyalik futbolchining MLS klubiga o‘tishi uchun maoshi kamayishi kerak bo‘ladi.