Neymar, Messi va Suares yana birga o‘ynashlari mumkin
"Barselona" va "PSJ" klublaridagi o‘yinlari bilan tanilgan braziliyalik hujumchi Neymar Saudiya Arabistonidan AQSHga ko‘chib o‘tishi mumkin. Yulduz hujumchining yangi ish joyi "Inter Mayami" bo‘lishi mumkin.
Todofichajes nashrining xabar berishicha, futbolchi Mayamida 26 million yevroga uy sotib olishni rejalashtirgan. Katta ehtimol bilan Neymar yaqin orada mahalliy futbol klubi safiga qo‘shiladi.
Braziliyalik futbolchi u yerda "Barselona"dagi sobiq jamoadoshlari bilan birlashishi mumkin. Jamoa sharafini hozirda Lionel Messi, Luis Suares, Serxio Buskets va Jordi Alba himoya qiladi.
