Anchelotti Karvaxalning o‘rniga "Kasitlya"dan himoyachi chaqirmoqchi
Madridning "Real" klubi bosh murabbiyi Karlo Anchelotti Dani Karvaxalning jarohati tufayli qolgan bo‘shliqni to‘ldirish uchun "Kastilya"ning yosh iqtidori David Ximenesni asosiy tarkibga qo‘shib olish haqida jiddiy o‘ylamoqda. Bu haqda AS xabar bermoqda.
Klub qishki transfer oynasida yangi o‘ng qanot himoyachisini sotib olmaslikni tanlagan holda, Anchelotti akademiyaning turli variantlarini, jumladan, boshqa bir yosh Xesus Forteani o‘rganmoqda. Biroq Forteaning jarohati va uning yoshi - u endigina 17 da - qaror qabul qilish jarayonini murakkablashtiradi.
20 yoshli Ximenesning asosiy jamoaga ko‘tarilishi misli ko‘rilmagan narsa emas. Karvaxal jarohati bilan kurashayotganida, yosh futbolchi "Alaves"ga qarshi o‘yinga chaqirilgan edi. Garchi kattalar jamoasiga ko‘tarilish doimiy bo‘lmasa-da, Anchelotti Ximenesni doimiy ravishda "Real Madrid" jamoasiga qo‘shish niyatida. Biroq, bu qaror "Kastilya"ni qiyin ahvolda qoldirish xavfi bor – jamoa o‘z joyini saqlab qolish uchun kurashmoqda.
