Argentina 2024 yilda ilk bor mag‘lub bo‘ldi

Argentinaning mag‘lubiyatsiz seriyasi Kolumbiyada yakunlandi.

Lionel Skaloni shogirdlari jahon chempionati saralash bahsida mag‘lub bo‘lishdi – 1:2. 25-daqiqada Yerson Moskera kolumbiyaliklarni hisobda oldinga olib chiqdi, bunga mehmonlar ikkinchi bo‘lim boshida Nikolas Gonsalesning aniq zarbasi bilan javob qaytarishdi. Uchrashuv taqdirini 60-daqiqada penaltini golga aylantirgan Xames Rodriges hal qildi.

Amaldagi jahon chempionlari uchun bu o‘tgan yilning noyabr oyidan beri birinchi mag‘lubiyat edi - o‘shanda "albiseleste" Urugvaydan mag‘lub bo‘lgan (0:2). Argentinaliklarning mag‘lubiyatsiz seriyasi 12 o‘yin davom etdi.