De Yongning "MYU"ga transferi yanvar oyidayoq amalga oshishi mumkin
Erik ten Xag hali ham Frenki de Yong bilan "Manchester Yunayted"da uchrashishni orzu qiladi.
"Qizil iblislar" bir necha yillardan buyon niderlandiyalik futbolchiga asosiy da’vogar sanaladi, biroq ular kelishuvga erisha olishmayapti – futbolchi "Barselona"ni tark etishni istamayapti. Jurnalist Jordi Xilning yozishicha, mankunianliklar ustozi avvalgi rad javoblariga qaramay, de Yongning transferini yakunlashdan umidvor. Agar shu vaqtgacha bosh murabbiy ishdan bo‘shatilmasa, transfer yanvar oyidayoq amalga oshishi mumkin.
Frenki de Yong Erik ten Xag bilan "Ayaks" klubida birga ishlagan. 27 yoshli yarim himoyachining Transfermarkt portalidagi narxi 60 million yevroni tashkil qiladi.
