"Brentford" ustozi: "Menimcha, ten Xag juda ko‘p tanqid qilinmoqda"

"Brentford" bosh murabbiyi Tomas Frank Erik ten Xagning "Manchester Yunayted"dagi pozisiyasi haqida fikr bildirdi.

Shanba kuni bo‘lib o‘tadigan Premyer-liganing "asalarilar"ga qarshi o‘yini "qizil iblislar"ning niderlandiyalik ustozi taqdirini hal qilishi mumkin - agar u mag‘lub bo‘lsa, katta ehtimol bilan iste’foga chiqariladi.

"Ten Xag yaxshi murabbiy ekanligiga shubha yo‘q. Ikki mavsumda ikkita sovrin yutishni uddaladi. Lekin men bu qanday sodir bo‘lishini bilaman: agar jamoa g‘alaba qozonsa, murabbiy fantastik hisoblanadi, yutqazsa, ular murabbiyni yomon deb hisoblashadi.

Ten Xagga qanchalik katta e’tibor qaratilayotgani hayratlanarli. Men bu vaziyatda bo‘lish nimani anglatishini tushunaman. Menimcha, u juda ko‘p tanqid qilinmoqda", - deya Frankning so‘zlaridan iqtibos keltiradi UtdDistrict.