Abidal de Yongni qanday qilib «PSJ»dan tortib olganini esladi

«Barselona»ning sobiq sport direktori Erik Abidal Frenki de Yong bilan qanday muzokara olib borganini tushuntirdi.

Niderlandiyalik yarim himoyachi Kataloniya klubiga 2019 yilning yozida Amsterdamning «Ayaks» klubidan o‘tgan edi. Transfer narxi 86 million yevroni tashkil qildi.

«Ayaks» Chempionlar ligasida «Real»ni mag‘lub etganidan so‘ng, ko‘plab top-klublar Frenkini sotib olishni xohlashdi. U menga «PSJ» murabbiyi bilan gaplashgani va u yerga borishni rejalashtirayotganini aytdi. Keyin men javob berdim: «Barselona» seni klub rejasi sifatida o‘z safiga qo‘shib olyapti, bu yerda gap murabbiy xohishida emas», - dedi 2020 yilda «Barselona» sport direktori lavozimini tark etgan Abidal.