Simeone "Napoli"dan ketmoqchi emas
"Napoli" hujumchisi Jovanni Simeone qishki transfer oynasida jamoasini tark etish niyatida emas.
Jurnalist Fabrisio Romanoning xabariga ko‘ra, argentinalik forvard kamida mavsum oxirigacha Neapolda qoladi. Manbaga ko‘ra, Simeonening "Torino"ga o‘tishi haqidagi mish-mishlarni jiddiy qabul qilmaslik kerak. Gap shundaki, "Napoli" Jovanni qishki transfer oynasida qo‘yib yuborish niyatida emas.
Eslatib o‘tamiz, Simeone allaqachon "Napoli"da uchinchi mavsumini o‘tkazmoqda, birinchi mavsumda futbolchi A Seriya chempionligini qo‘lga kiritishga muvaffaq bo‘ldi.
