"Liverpul" "Nottingem"ning asosiy o‘yinchilaridan biriga qiziqish bildirmoqda
"Liverpul" hujumkor yarim himoyachi sotib olmoqchi. Bu rolga munosib nomzod izlab, "qizillar" "Nottingem" yetakchilaridan biriga ko‘z tikishdi.
"Liverpul" Morgan Gibbs-Uaytga qiziqish bildirmoqda, deya xabar beradi Football Insider. Futbolchining amaldagi shartnomasi 2027 yilning iyuniga qadar mo‘ljallangan.
Nunu Eshpiritu Santu shogirdlari yanvar oyida angliyalik futbolchi uchun har qanday taklifni rad etishi kutilmoqda, biroq yozda "o‘rmonchilarga" foydali taklif tushsa, 24 yoshli yarim himoyachini sotishdan bosh tortishi qiyinroq bo‘ladi.
Joriy mavsumda Morgan Gibbs-Uayt 15 ta o‘yinda maydonga tushib, 3 ta gol va 3 ta golli uzatmaga mualliflik qilgan.
