Mourinyo “Real”dan ketish qaroridan afsuslanishini tan oldi

“Fenerbahche” klubi bosh murabbiyi Joze Mourinyo o‘zining murabbiylik faoliyatida nimadan ko‘proq afsuslanishini aytdi.

“Agar o‘yinlar haqida gapiradigan bo‘lsak, ular ko‘p, chunki agar mag‘lubiyatga uchragan bo‘lsangiz, har doim nimanidir o‘zgartira olishingiz mumkinligini o‘ylaysiz.

Agar professional tanlov haqida so‘z boradigan bo‘lsa, mening Florentino Peresga aytgan “yo‘q” javobim. U menga: “Mou, hozir ketma, sen qiyin qismini bajarding va endi yaxshisi keladi”, degandi. Men shunday bo‘lishini bilardim, lekin Ispaniyada qiyin kechgan uch yildan so‘ng “Chelsi”ga qaytishni istadim. Shuningdek, men “Roma”dan (Yevropa Ligasining finalidan keyin) darhol ketishim kerak edi, lekin buni qilmadim va xatoga yo‘l qo‘ydim", dedi Joze.

Mourinyo 2010-2013-yillarda “Real Madrid”ni boshqargan. 2011-12 yillarda La Liga chempionligini qo‘lga kiritgan va to‘rt mamlakatda chempionlikni qo‘lga kiritgan beshinchi murabbiyga aylangan.