"Barsa" Dani Olmoni sotib olmasa millionlab yevro yo‘qotadi.

Oldinroq kataloniyaliklar Olmo va Pau Viktorni mavsumning ikkinchi yarmi uchun ro‘yxatdan o‘tkaza olmagani ma’lum bo‘lgandi. La Liga ularni qaydnomadan olib tashladi.

Olmo shartnoma shartlariga ko‘ra, agar ro‘yxatdan o‘tmagan bo‘lsa, "Barsa"ni erkin agent sifatida tark etish huquqiga ega.

Agar shunday bo‘ladigan bo‘lsa, "blaugrana" yarim himoyachiga yozda tuzilgan shartnomaning butun muddati uchun maosh to‘lashi kerak bo‘ladi, deb yozadi Mundo Deportivo. Shartnoma 2030 yilgacha amal qiladi.

Qolaversa, Olmo qishda tekinga ketsa, "Barselona" balansida muammolar yuzaga keladi.

Mundo Deportivo nashrining ta’kidlashicha, ispaniyalik futbolchining "RB Leypsig"dan transferi "Barsa"ga 48 million yevroga tushgan. Oddiy vaziyatda, 48 million transfer narxi Olmoning shartnomasining butun muddati uchun teng ravishda hisobga olinadi. Shartnomaning har 6 yili uchun 8 million yevro. Agar Olmo hozir erkin agent sifatida ketsa, 48 millionning barchasi joriy mavsumdagi yo‘qotish sifatida hisobga olinadi va bu Kataloniya klubining moliyaviy holatiga salbiy ta’sir qiladi.