Mourinyo London klubini boshqarish niyatida

Joze Mourinyo yozdan beri Turkiyaning “Fenerbaxche” klubini boshqarib kelmoqda. Portugaliyalik mutaxassis Angliyaga qaytib, “Vest Xem”ni boshqarishni istaydi. Bu haqda London klubining sobiq skauti Mik Braun xabar berdi.

"Eshitishimcha, Mourinyo juda qiziqadi. Uning Londonda hali ham uyi bor, bu esa ishlarni osonlashtiradi. Menga London klubiga qaytish imkoniyatidan foydalanib qolishini aytishgandi. U Angliyaga qaytmoqchi va uni Turkiyadan kelishga ko‘ndirish muammo tug‘dirmaydi deb o‘ylayman", - dedi Braun Football Insider bilan suhbatda.

Joze Mourinyo bungacha Angliyaning “Chelsi”, “Manchester Yunayted” va “Tottenxem” klublarini boshqargan.