Mourinyo Yevropa ligasida ochko to‘plash borasida top-5 murabbiy qatoriga qo‘shildi

Joze Mourinyo Yevropa Ligasida to‘plagan ochkolari bo‘yicha eng yaxshi 5 nafar murabbiy qatoriga kirdi.

Statistikada klublarning turnir tarixi davomida, ya’ni 1971/72 yilgi mavsumdan boshlab Yevropa Ligasi va UEFA Kubogida to‘plagan ochkolari hisobga olingan.

Umumiy hisobda portugaliyalik murabbiy jamoalari 124 ochko jamg‘argan. Faqat Xuande Ramos (130), Xorxe Xesus (149), Jovanni Trapattoni (180) va Unai Emeri (213) undan ko‘proq ochko olgan.

Eslatib o‘tamiz, Joze Mourinyo 2002/03 yilgi mavsumda “Portu” bilan UEFA kubogi, 2016/17 yilgi mavsumda “Manchester Yunayted” bilan Yevropa Ligasi g‘olibi bo‘lgan.

Hozirdada 61 yoshli mutaxassis joriy mavsumda turnirda ishtirok etayotgan “Fenerbaxche” klubini boshqarmoqda. Kecha turklar "Manchester Yunayted" bilan durang o‘ynadi (1:1).