Lam: "Bavariya" finalga chiqishi mumkin"

Filip Lamning fikricha, "Bavariya" Chempionlar ligasi finaliga chiqa oladi.

– “Bavariya”ning Myunxendagi Chempionlar ligasi finaliga chiqish imkoniyati bormi?

– Menimcha ha. Chempionlar ligasining yangi formati juda qiziq. Aytgancha, men buni intiqlik bilan kutgandim. Oxirigacha shiddatli kechadigan ajoyib uchrashuvlar bor.

"Bavariya"da har doim finalga chiqish imkoniyati bor. Lekin hozir kuchliroq boshqa jamoalarni ko‘ryapman.

– Qaysi?

– "Liverpul" doimo yaxshi taassurot qoldiradi. "Arsenal" yaxshi, lekin ular katta o‘yinlarga tayyormi? Bu har doimgi savol. Men har doim "Bavariya" bunga qodir deb o‘ylayman, ayniqsa o‘z uyida bo‘lishi mumkin bo‘lgan finalni hisobga olsak", - dedi myunxenlik sobiq himoyachi.