Vinisius Ispaniya Superkubogida ishtirok etadi

Madridning “Real” klubi vingeri Vinisius Junior “Valensiya” bilan Ispaniya Primerasining 12-tur uchrashuvida (2:1) qizil kartochka olganiga qaramay, Ispaniya Superkubogida ishtirok eta oladi. Bu haqda Marca xabar bermoqda.

Manbaning xabariga ko‘ra, "Los Blankos" o‘yin bosh hakami Sezar Soto Gradoning braziliyalik futbolchini maydondan chetlatish qarori ustidan shikoyat qiladi. Vinisius o‘tkazib yuboradigan o‘yinlar soni bo‘yicha qaror qabul qilishga vakolatli komissiya qachon yig‘ilishi hozircha noma’lum. Biroq, diskvalifikasiya Ispaniya chempionati o‘yinlariga taalluqli ekanligi ta’kidlangan.

"Real" 9 yanvar kuni Ispaniya Superkubogi yarim finalida “Malyorka” bilan o‘ynaydi.