Vinisius nechta o‘yinga chetlatilishi kutilayotgani ma’lum bo‘ldi

"Real" hujumchisi Vinisius Junior Ispaniya chempionati doirasida "Valensiya"ga qarshi o‘yinda qizil kartochka oldi. Dastlab braziliyalik intizom kodeksining 103-moddasiga ko‘ra, 4 tadan 12 ta o‘yingacha diskvalifikasiya qilinishi mumkinligi taxmin qilingandi.

Biroq, «Marca» xabar berishicha, Vinisiusning harakatlari tajovuzkorlik emas va provokasiya ko‘rinishidagi yengillashtiruvchi omilga ega. "Real" forvardi ikki o‘yinga diskvalifikasiya qilinishi kutilmoqda.

Vinisius bo‘yicha qaror tanlov komissiyasi tomonidan qabul qilinadi. Uchrashuv qachon bo‘lib o‘tishi hozircha noma’lum.